اليوم بدي احكي عن المعتقلات داخل سجون الاسد
بس هالمره ما رح احكي عن النظام الفاشي
هالمره عم احكي عن مجتمعنا الفاشي
النساء المعتقلات جوا نظام الاسد اللي الون بالخارج اباء و اخوه و ازواج و ابناء
النساء المعتقلات داخل سجون الاسد اللي عانو الظلم و التعذيب و الحرمان و الاغتصاب الجماعي و اتمنوا الموت بكل لحظه مرت عليهم
و كان املون الوحيد اللي رابطون بالحياه
انون يطلعوا لحضن عيلتون
يلاقو حضن ابوون
و صدر امون
و ايدين اخواتهم
و حب ازواجهم
و شوق ولادهم
للاسف كتار من هالمعتقلات اهلون تبروا منون بعد ما فاتوا عالسجون
للاسف يمكن افضل انون يموتوا جوا و لا يطلعوا يلاقو
ابوون متبري منون
و امون منكرتون
و اخوون ناطر يغسل عارو
و ازواجهم مطلقينهم طلاق غيابي تعسفي و اخدين الولاد
العار اللي حاملتو المعتقله اللي طالعه من المعتقل
تشوه ....حروق ....امراض......جرب......اغتصاب ......اجهاض.......و بجوز حمل وولد على ايدها مابدها ياه
بحاجه لرعايه بحاجه حب بحاجه مصح نفسي قبل جسماني لتقدر تصدق و تستوعب انها طالعه من القبر و انكتبلها عمر جديد
اللي متبري من بنتو و بدو يغسل عار اختو و يطلق مرتو و خجلان بامو
بدي خبرك انو هي اللي انت خجلان فيها هي شرفك و هي كرامتك و هي تاج على راسك
لانها هي كانت جوا عم تتعذب و انت كنت برا منعم
لانها بالوقت اللي اعتقلت انت كنت اعد تتفرج
لانو لو كنت رجل تمتلك ذره كرامه و شرف كان لازم ننتصر بالثورة قبل ما حدا يقدر يوصل لضفرها
هيك ربيناو هيك ديننا و هي عاداتنا و هي تقاليدنا
الاعتقال مو عار
العار على اللي ترك حرائرو جوا و هو برا
كل معتقله طلعت من المعتقل غسلت بعذابها و اغتصابها جوا عار و شرف العيله كلها
فارفع راسك بحرتك الناجيه لانو بفضلها انت ضليت برا و هي فاتت عواضك
المراه مو عوره
العوره باللي ماعرف يصونها
#كورونا_تهدد_المعتقلين #VFR10 #بدنا_المعتقلين #سورية #الأمم_المتحدة
